سری نگر(مانیٹرنگ ڈیسک)مقبوضہ کشمیر میں کشمیری نوجوانوں نے پاکستان سے اظہار یکجہتی کااظہارکرتے ہوئے مودی سرکار کے منہ پرطمانچہ رسیدکردیا۔ بھارتی میڈیارپورٹ کے مطابق مقبوضہ کشمیرمیں ایک مقامی کرکٹ کلب نے گرین شرٹس پہن کر نہ صرف میچ کھیلا بلکہ پاکستان کے ساتھ اظہار یکجہتی کی بھی اعلیٰ مثال قائم کر دی۔میچ شروع ہونے سے قبل پاکستان کاقومی ترانہ پیش کیاگیاجس نے نوجوانوں کے خو ن کومزید
گرمادیا۔اس موقع پروہاں پرموجود کھلاڑیوں کاکہناتھاکہ میچ کے لئے گرین شرٹس پہننے کامقصدکشمیری بھائیوں کے ساتھ اظہار یکجہتی کرنا اور دنیا کو یہ باور کرانا تھا کہ ہم کشمیر کے ایشو کو بھولے نہیں ہیں ۔ایک بھارتی خبررساں ادارے کے مطابق یہ میچ اس وقت جاری تھاجب بھارتی وزیراعظم نریندرمودی مقبوضہ کشمیرکے دورے پرتھے ۔ انٹرنیٹ پر موجودکشمیری نو جوانوں کی اس ویڈیونے بہت زیادہ پذیرائی حاصل کی ہے ۔
