نئی دہلی (این این آئی) کرکٹ کی تاریخ کے دوسرے تیز ترین باؤلر شان ٹیٹ نے بھارتی شہریت حاصل کر لی ہے۔ انہوں نے سماجی رابطوں کی ویب سائٹ’’ٹوئٹر‘‘ پر بھارتی شہریت ملنے کا اعلان کیا اور بھارتی پاسپورٹ کی تصویر بھی اپ لوڈ کر دی۔2007ء کے ورلڈکپ میں آسٹریلیا کی فتح میں کلیدی کردار ادا کرنے والے شان ٹیٹ انڈین پریمیر لیگ (آئی پی ایل) میں راجھستان رائلز کی جانب سے کھیلنے کے دوران ایک

بھارتی ماڈل کے عشق میں گرفتارہوئے اور 4 سال کے معاشقے کے بعد دونوں نے 2014ء میں شادی کر لی۔شادی کی تقریب میں بھارتی کرکٹرز یووراج سنگھ اور ظہیر خان بھی شریک ہوئے۔ شان ٹیٹ اب آسٹریلیا اور بھارت کی دوہری شہریت کے حامل کھلاڑی ہیں۔ انہوں نے 2008ء میں ٹیسٹ کرکٹ سے ریٹائرمنٹ کا اعلان کیا تھا جبکہ 2011ء میں ون ڈے انٹرنیشنل سے بھی ریٹائرمنٹ لے لی تھی۔ انہوں نے  2016ء میں بھارت کے خلاف کھیلا تھا۔