اسلام آباد(مانیٹرنگ ڈیسک) پی ایس ایل کا طوفان تو تھم چکا مگر فضا میں موجود گرد ابھی بیٹھی نہیں ،پاکستان تحریک انـصاف کے چیئرمین عمران خان نے پی ایس ایل فائنل لاہور کھیلنے آنے والے کھلاڑیوں کی توہین کر ڈالی، کپتان کی سوشل میڈیا پر ویڈیو نے طوفان کھڑا کر دیا، تفصیلات کے مطابق پی ایس ایل فائنل بخیروخوبی سر انجام پا چکا اور غیر ملکی کھلاڑیاپنے وطن واپس لوٹ چکے ہیں مگر سوشل میڈیا پر اس وقت طوفان کھڑا ہو گیا جب پاکستان تحریک انصاف کے
چیئرمین عمران خان کی ایک ویڈیو وائرل ہو گئی جس میں انہوں نے پی ایس ایل فائنل کھیلنے کیلئے لاہور آنے والے غیر ملکی کھلاڑیوں کو ’’پھٹیچر کہہ ڈالا‘‘۔کپتان کا پارٹی میٹنگ میں کہنا تھا کہ یہ ’’پھٹیچر‘‘کھلاڑی ہیں، ایسے پلئیر تو کہیں سے بھی لےآئوں ۔ کوئی افریقہ سے تو کوئی کہیں سے آیا ۔یہ عام کھلاڑی تھے جنہیں کوئی نہیں پوچھتا۔سوشل میڈیا صارفین نے اس ویڈیو میں کپتان کے بیان کو شدید تنقید کا نشانہ بنایا ہے اور اسے ایک غلط اقدام قرار دیا ہے۔
