اسلام آباد(مانیـٹرنگ ڈیسک) باکمال لوگ، لاجواب سروس، پی آئی اے کوئٹہ گلیڈی ایٹرز کے کھلاڑیوں سے روایتی میچ کھیلنے لگ گئی ،لاہور ائیر پورٹ پرکھلاڑی خوارہو گئے۔ تفصیلات کے مطابق پاکستان ائیر لائن انتظامیہ کی غفلت کے باعث پی ایس ایل فائنل کی رنر اپ ٹیم کوئٹہ گلیڈی ایٹرز کے کھلاڑی لاہور علامہ اقبال انٹرنیشنل ائیرپورٹ

پر خوار ہو گئے، ٹیم کے کھلاڑیوں نے لاہور سے کراچی کیلئے پرواز بھرنی تھی جبکہ پی آئی اے انتظامیہ نے فلائٹ ٹائم ڈھائی بجے دوپہر کا انائونس کیا جب کھلاڑی ائیرپورٹ پہنچے تو انہیں پتہ چلا کہ فلائٹ توڈھائی بجے سے پہلے روانہ ہو چکی ہے۔ فلائٹ نہ ملنے کے باعث کھلاڑی ائیر پورٹ پر رل گئے جبکہ تازہ اطلاعات کے مطابق پی آئی اے انتظامیہ نے اب کھلاڑیوں کو شام 5بجے کا فلائٹ ٹائم دیا ہے۔