لاہور ( آئی این پی)پاکستان سپر لیگ فائنل کی کوریج کیلئے آنے والی پروڈکشن ٹیم کے بھارتی رکن کا کہنا ہے کہ لاہور آ کر بہت اچھا لگا، پاکستان کے بارے میں جو منفی باتیں سنی تھیں اْن کا حقیقت سے کوئی تعلق نہیں۔ پاکستان سپر لیگ نے بھارتی آفیشلز پر بھی اپنی دھاک بٹھا دی۔ ایونٹ کی کوریج کیلئے پہنچنے والی پروڈکشن
ٹیم میں دہلی کے ایک رکن بھی شامل ہیں۔ میڈیا سے گفتگو کرتے ہوئے منیش یادیو کا کہنا تھا کہ زندہ دِلوں کے شہر لاہور آ کر بہت اچھا لگا، پاکستان کے بارے میں منفی باتوں کا حقیقت سے کوئی تعلق نہیں۔منیش یادیو کا کہنا تھا کہ بہت اچھی سکیورٹی دی گئی، پاکستان آ کر بہت خوشی ہوئی، پروڈکشن کیلئے مکمل تیاری کر لی ہے۔
