لاہور (آئی این پی )پاکستان سپرلیگ کے چیئرمین نجم سیٹھی نے عوامی مسلم لیگ کے سربراہ شیخ رشید احمد کو پی ایس ایل فائنل کیلئے وی آئی پی پروٹوکول دیتے ہوئے قذافی اسٹیڈیم میں 2وی آئی پی پاس تحفے میں دیئے۔تفصیلات کے مطابق عوامی مسلم لیگ کے سربراہ شیخ رشید پی ایس ایل فائنل دیکھنے کیلئے براستہ ٹرین لاہور پہنچے تھے۔شیخ رشید نے پی ایس ایل فائنل کیلئے 500اور 8000والے ٹکٹ خرید رکھے تھے،

فائنل سے قبل شیخ رشید احمد کا کہنا تھا کہ میچ سے قبل فیصلہ کروں گا کہ میچ عام عوام میں بیٹھ کر دیکھنا ہے یا وی آئی پی انکلوژر میں مگر دوسری جانب پی ایس ایل چیئرمین نجم سیٹھی نے عوامی مسلم لیگ کے سربراہ کو پی ایس ایل فائنل کیلئے دو وی آئی پی پروٹول دینے کا فیصلہ کیا اور شیخ رشید کو دیگر اہم شخصیات کے ہمراہ میچ دیکھنے کیلئے وی آئی پی انکلوژر کے دو پاس تحفے کے طور پر دیئے