لاہور( این این آئی)پاکستان سپر لیگ کافائنل دکھانے کے لئے غیر ملکی نشریاتی کمپنی نے قذافی اسٹیڈیم میں آلات کی تنصیب کا آغاز کر دیا ۔بتایا گیا ہے کہ سپر لیگ میں برطانوی نشریاتی کمپنی کے انکار کے بعد دبئی کے براڈکاسٹرز کا سامان لاہور پہنچ گیا۔
آلات میں 50 کیمرے اور براڈکاسٹنگ پینل شامل ہیں۔ انوویٹو کمپنی کا سامان ایئرپورٹ کارگو کمپلیکس سے قذافی سٹیڈیم پہنچا دیا گیا۔ براڈ کاسٹرز کے انجینئرز نے اسٹیڈیم کے اندر کیمروں سمیت دیگر آلات کی تنصیب کا آغاز کر دیا ہے جسے جلد حتمی شکل دیدی جائے گی۔
