ایڈیلیڈ(آئی این پی)پاکستان کرکٹ ٹیم کے ون ڈے کپتان اظہرعلی کا ستارہ گردش میں ہے جو ون ڈے کرکٹ میں اپنی فارم کھوبیٹھے ہیں اور ان کی کپتانی بھی شدید خطرے کی زد میں ہے۔کئی مسائل میں گھرے پاکستانی ون ڈے کپتان اظہرعلی کے سر پر اب ایک میچ کی پابندی کا خطرہ بھی منڈلانے لگاہے
کیونکہ اس کی قیادت میں پاکستان ٹیم ایڈیلیڈمیں کھیلے گئے پانچویں ون ڈے میچ میں مقررہ وقت میں پچاس اوورز پورے کرنے میں ناکام رہی۔پاکستان ٹیم نے پہلے فیلڈنگ کرتے ہوئے پچاس اوورزپھینکنے کیلئے چارگھنٹے لئے جو کہ آئی سی سی کے مقررکردہ وقت سے30منٹ زائد ہیں۔اگر اس تاخیر کا مکمل طورپر ذمہ داراظہرعلی کو ٹھہرایاگیا تواس پر اگلے ون ڈے کی پابندی عائد ہوسکتی ہے تاہم اس کا اس سیریزپرکوئی اثرنہیں پڑے گا کیونکہ اس میچ کے دورہ آسٹریلیابھی اختتام پذیر ہوجائے گا۔
