کراچی (آئی این پی)پاکستان میں پہلی بار انٹرنیشنل سکائی مقابلےجمعرات سے نلتر اور مالم جبہ میں شروع ہوں گے،انٹرنیشنل مقابلوں میں شرکت کیلئے بھارت سمیت 10ممالک کے 25غیر ملکی کھلاڑی پاکستان پہنچ گئے۔تفصیلات کے مطابق پاکستان میں پہلی بار انٹرنیشنل اسکی مقابلے کل سے نلتر اور مالم جبہ میں شروع ہوں گے، انٹرنیشنل مقابلوں میں شرکت کیلئے 10ممالک کے 25غیر ملکی کھلاڑی پاکستان پہنچ گئے،

ملکی و غیر ملکی کھلاڑی آج برف پر ایکشن میں ہوں گے جو ممالک پاکستان پہنچ چکے ہیں ان میں یونان، ترکی، ماسکو، یوکرین، سلوانیہ، راجکستان ، سری لنکا، افغانستان اور بھارت شامل ہیں ، غیر ملکی کھلاڑیوں میں خواتین اسیکئر بھی شامل ہیں ۔