لاہور ( آن لائن )بھارتی بلائنڈ کرکٹ ٹیم نے پاکستان میں میچز کھیلنے پر رضا مندی کا اظہار کرتے ہوئے پاکستان آنے کا اعلان کر دیا۔ تفصیلات کے مطابق بھارتی بلائنڈ کرکٹ ٹیم رواں برس کے آخر میں پاکستان کی مہمان بنے گی۔پاکستان بلائنڈ کرکٹ کونسل کے چیئرمین سید سلطان شاہ کے مطابق بلو
شرٹس ایک روزہ اور ٹوئنٹی 20 میچزکی سیریز میں حصہ لینے کیلیے پاکستان کا دورہ کریں گے۔اس ماہ کے آخر میں بھارت میں شیڈول دوسرے ٹوئنٹی 20 ورلڈ کپ کے لیے 17 رکنی اسکواڈ کا اعلان آج منگل یا کل بدھ کوکیا جائے گا، بھارتی سفارتخانے سے ویزے 25 جنوری کو ملنے کی امید ہے۔
