سڈنی (این این آئی)قومی کرکٹ ٹیم کے کھلاڑیوں میں اختلافات کی افواہیں زور پکڑنے لگیں۔ذرائع سے معلوم ہواہے کہ قومی کرکٹ ٹیم کے کھلاڑیوں میں شدیدقسم کے اختلافات ہیں اورٹیم میں باقاعدہ گروپ بندی ہے جس کی وجہ سے قومی کرکٹ ٹیم مسلسل شکست سے دوچار ہے ۔قومی کرکٹ ٹیم کے سینئر کھلاڑی اظہرعلی کودل سے بطورکپتان تسلیم نہیں کررہے ہیں اوران کو ناکام بنانے کے لئے مختلف قسم کی سازشوں میں مصرف ہیں۔یہ بھی افواہیں ہیں کہ ایک گروپ اظہرعلی کی جگہ محمدحفیظ کوکپتان اوردوسراگروپ سرفرازاحمدکوکپتان دیکھنا چاہتا ہے ۔
اگرپاکستانی کھلاڑیوں کی گراؤنڈمیں باڈی لینگوئج کودیکھاجائے تواس سے بھی اختلافات کو محسوس کیا جا سکتا ہے ۔تاہم بورڈ اور مینجمنٹ کی طرف سے ٹیم میں کسی بھی طرح کی گروپ بندی کی تردید کی گئی ہے۔
