لاہور(آئی این پی)پاکستان سپر لیگ ( پی ایس ایل )کے چیئرمین نجم سیٹھی نے دعویٰ کیاہے کہ غیرملکی کرکٹرزکی بڑی تعداد نے لاہور میں پاکستان سپر لیگ کا فائنل کھیلنے کیلئے گرین سگنل دیدیاہے۔پاکستان کرکٹ بورڈ کی جانب سے پی ایس ایل کا فائنل لاہور میں منعقد کرنے کا نہ صرف فیصلہ ہوچکا بلکہ اس سلسلے میں کوششیں بھی تیزی سے جاری ہیں۔اب معلوم ہوا ہے کہ 25 کے قریب غیرملکی پلیئرز نے پاکستان میں پی ایس ایل کا فائنل کھیلنے میں دلچسپی ظاہر کردی ہے۔

پی ایس ایل کے چیئرمین نجم سیٹھی کہتے ہیں کہ 25 کے قریب غیرملکی کرکٹرز نے نے خواہش ظاہر کی ہے کہ اگر ان کی ٹیمیں پی ایس ایل کے فائنل میں جگہ بناتی ہیں تو پھر وہ پاکستان آکر فائنل کھیلنے کے لئے تیار ہوں گے۔واضح رہے کہ پاکستان سپر لیگ کا فائنل 5 مارچ کو لاہور میں منعقد ہوگا۔

موضوعات:پی سی بی