پرتھ (این این آئی)پاکستان اور آسٹریلیا کے مابین پانچ ایک روزہ بین الاقوامی کرکٹ میچوں پر مشتمل سیریز کا تیسرا میچ 19جنوری کو پرتھ میں کھیلا جائیگا۔ میچ ڈے اینڈ نائٹ ہوگا اور پاکستانی وقت کے مطابق رات 8 بج کر 20 منٹ پر شروع ہوگا۔ تفصیلات کے مطابق سیریز کا چوتھا ون ڈے میچ 22جنوری کو سڈنی میں جبکہ پانچواں اور آخری ون ڈے میچ 26 جنوری کو ایڈیلیڈ میں کھیلا جائیگا۔ دونوں ٹیموں کے درمیان پانچ ون ڈے میچوں کی سیریز 1-1 سے برابر ہے، پہلے میچ میں آسٹریلیا کی ٹیم نے پاکستان کو 92 رنز سے شکست دی تھی ٗ دوسرے میچ میں پاکستان کی ٹیم نے شاندار کم بیک کرتے ہوئے کینگروز کو 6 وکٹوں سے شکست دیکر سیریز 1-1 سے برابر کردی تھی۔