سڈنی(نیوزڈیسک)اظہرعلی کی باقی تمام چارمیچوں میں کپتانی سے چھٹی،کوچ نے کپتانی کیلئے کھلاڑی منتخب کرلیا،پاک آسٹریلیا ون ڈے سیریز ہیڈ کوچ مکی آرتھر نے محمد حفیظ کو قائم مقام کپتان کی ذمہ داری سونپنے کا عندیہ دے دیا ہے ، کپتان اظہر علی انجری کے باعث دوسرا ون ڈے نہیں کھیل سکیں گے۔

ذرائع کے مطابق پاکستان اور آسٹریلیا کے مابین پہلے میچ میں قومی ٹیم کے کپتان اظہر علی کھیلتے ہوئے ہمسٹرنگ انجری کا شکار ہو گئے تھے ، جس کے باعث وہ ون ڈے سیریز سے باہر ہو گئے ہیں۔قومی ٹیم کے کوچ مکی آتھر نے قومی ٹیم کی کمان محمد حفیظ کو سونپنے کا عندیہ دے دیا ہے اور سیریز کے باقی تمام میچوں میں کپتانی کے فرائض انجام دیں گے۔واضح رہے کہ پاک آسٹریلیا سیریز کا دوسرا میچ 15 جنوری کو میلبورن میں کھیلا جائے گا ، ماضی میں قومی ٹیم کا ریکارڈ اچھا نہیں رہا ،15 میچوں میں سے صرف 5 میں کامیابی حاصل کی جبکہ 10 میچوں میں شکست کا سامنا کرنا پڑا۔