سڈنی ( آن لائن )بھارتی ٹینس کوئن ثانیہ مرزا اور پارٹنر جمہوریہ چیک کی باربورا اسٹرائیکووا کو سڈنی انٹرنیشنل ٹینس کے ویمنز ڈبلز فائنل میں شکست ہوگئی۔ٹاپ سیڈ جوڑی کو فیصلہ کن معرکے میں ہنگری کی ٹیمیا بابوس اور روسی پلیئر اناستاسیا پاولیچنکووا نے اسٹریٹ سیٹ میں 4-6 اور4-6 سے ٹھکانے لگادیا، اس سے قبل ثانیہ اور باربورا نے سیمی فائنل میں وانیاکنگ اور یاروسلوا شیوڈووا کو 1-6 اور 2-6 سے ہرایا تھا۔
واضح رہے کہ اس سے قبل ثانیہ مرزا کی فتوحات کا سلسلہ برقرار ہے، جہاں انہوں برسبین انٹرنیشنل ٹینس ویمنز ڈبلز کے فائنل تک رسائی حاصل کرلی تھی ۔ بھارتی ٹینس سٹار ثانیہ مرزا اپنی فتوحات کو برقرار رکھتے ہوئے برسبین انٹرنیشنل ٹینس ٹورنامنٹ ویمنز ڈبلز کے فائنل میں پہنچ تھیں۔ ثانیہ اور میٹک اسینڈز نے سیمی فائنل میں تائیوان کی سو وائی ہیش اور ان کی جرمنی کی لا را سیجیمونڈ کو اسٹریٹ سیٹس میں شکست دی۔ آسٹریلیا میں جاری ایونٹ میں کھیلے گئے ویمنز ڈبلز ایونٹ کے سیمی فائنل راؤنڈ میں بھارت کی ثانیہ مرزا اور ان کی امریکن جوڑی دار بیتھانی میٹک سینڈز نے عمدہ کارکردگی کا مظاہرہ کیا تھا۔ دونوں کھلاڑیوں نے تائیوان کی سو وائی ہیش اور انکی جرمنی کی لا را سی جیمونڈ کو 6۔4 اور 6۔3 سے ہرا کر فائنل کیلئے کوالیفائی کیا تھا ۔