برسبین (مانیٹرنگ ڈیسک) پاکستان کرکٹ ٹیم کے کپتان مصباح الحق نے آسڑیلیاکے سابق آل رائونڈراین چیپل کی طرف سے پاکستانی ٹیم کوآسڑیلیانہ بلانے پراپنے ردعمل میں کہاہے کہ این چیپل کابیان غیرضروری اورنامناسب ہے ۔مصباح الحق نے کہاہے کہ آسڑیلیاکی ٹیم بھی کئی غیرملکی دوروں میں بری طرح ناکام ہوئی جس کی واضح مثال سری لنکاکی ہے جس نے آسڑیلیاکی ٹیم کووائٹ واش کردیاتھاجبکہ اس وقت سری لنکاکی ٹیم آسڑیلیاکے مقابلے میں کمزورتھی ۔

انہوں نے کہاکہ آسڑیلیاکی ٹیم کوپاکستانی ٹیم کے ہاتھوں بھی یواے ای میں وائٹ واش کاسامناکرناپڑاجبکہ بھارت نے بھی آسڑیلیاکوہرایاہے ۔مصباح الحق نے کہاکہ اگراین چیپل کے بیان کوبنیادی نقطہ بنایاجائے تواس کامطلب یہ ہے کہ آسڑیلوی ٹیم پربرصغیرمیں بلانے پرپابندی لگادی جائے ۔انہوں نے کہاکہ این چیپل جیسے بڑے کھلاڑی کواتناچھوٹابیان دینازیب نہیں دیتا۔

موضوعات:مصباح الحق