لاہور( این این آئی)قومی ٹیم کے نئے چیف سلیکٹر تعینات ، کوچ کو بھی تبدیل کر دیا گیا ,پاکستان کرکٹ بورڈ نے نے باسط علی کی جگہ محمد الیاس کو ویمن کرکٹ ٹیم کا چیف سلیکٹر مقرر کر دیا جبکہ سابق ٹیسٹ کرکٹر کبیر خان کو بطور ہیڈ کوچ تعیناتی کر دی گئی ۔ بیٹنگ کوچ کے فرائض سابق انٹرنیشنل کرکٹرشاہد انور سرانجام دیں گے۔ چیئرمین پی سی بی نے نئی ویمن ٹیم انتظامیہ اور سلیکشن کمیٹی کی منظوری دے دی۔
شہریار خان کو ویمن ٹیم کی ناقص کارکردگی پر تحفظات تھے۔ پاکستان ٹیم آئندہ ماہ 7 سے 21 فروری تک سری لنکا میں ویمن ورلڈ کپ کوالیفائنگ رائونڈ کھیلے گی۔