لاہور (آئی این پی) فاسٹ باؤلر محمد عرفان نے آسٹریلیا جانے سے پہلے ہی لفظی باؤنسرز پھینکنا شروع کردئیے، خاص طور پر انہوں نے آسٹریلوی کپتان سٹیون سمتھ کو نشانہ بنانے کا اعلان کیا ہے۔ان کا کہنا تھا کہ میں واحد باؤلر ہوں جس کا اتنا طویل قد ہے اس ئے مجھے دوسروں پر ایڈوانٹیج حاصل ہوگا، میں آسٹریلیا کی باؤنسی وکٹوں کا فائدہ اٹھاتے ہوئے وکٹیں حاصل کروں گا۔ میرا اصل ہدف سمتھ ہوں گے، اگرچہ وہ اس وقت اچھی فارم میں ہیں لیکن میں اپنے غیر معمولی باؤنس کی وجہ سے انہیں آؤٹ کرنے کی کوشش کروں گا۔یاد رہے کہ ورلڈ کپ 2015ء میں بھی عرفان سے بڑی توقعات تھیں مگر انہوں نے کینگرودیس میں مایوس کیا تھا۔ اس بارے میں پیسر نے کاہ کہ مجھے شوپی ایونٹ کے ابتدائی 2میچز میں مشکل کا سامنا ہوا تھا مگر اب میں وہاں کی وکٹوں سے واقف ہوچکا ہوں اور وہی گیندیں کروں گا جن پر وکٹیں ملیں گی۔