سڈنی (آئی این پی) آسڑیلوی وزیراعظم نے پاکستان اور آسٹریلیا کی کرکٹ ٹیموں کے اعزاز میں ظہرانہ دیا۔ تفصیلات کے مطابق آسٹریلیا کے وزیراعظم میلکم ٹرن بل نے نئے سال کی آمد کے موقع پر پاکستان اور آسٹریلیا کی کرکٹ ٹیموں کو دوپہر کے کھانے پر مدعو کیا۔ میلکم ٹرن بل نے دونوں ٹیموں کا استقبال کیا اور ان کے لیے نیک خواہشات کا اظہار کیا۔اس موقع پر دونوں ٹیموں کے کپتانوں مصباح الحق اور سٹیو اسمتھ نے آسٹریلیا کے وزیراعظم کو اپنے دستخط شدہ بلے بطور تحفہ پیش کیے۔ پاکستان کرکٹ ٹیم وزیر اعظم سے ملاقات کے بعد آرام کیا جبکہ قومی ٹیم تیسرے ٹیسٹ کی پریکٹس (آج)پیر سے شروع کریگی۔ آسٹریلیا کو 3 میچز کی سیریز میں 0۔2 کی برتری حاصل ہے۔کینگروز نے پہلا ٹیسٹ 39 رنز جبکہ دوسرا ٹیسٹ ایک اننگز اور18رنز سے اپنے نام کیا۔