لندن (آئی این پی)باکسنگ چیمپئن عامر خان کے والد بہو کے الزامات کا جواب دینے کے لیے سامنے آ گئے۔ عامر خان کے والد نے کہا ہے کہ فریال سستی شہرت حاصل کرنے کے لیے جھوٹ پہ جھوٹ بول رہی ہے اور عامر خان نے فیصلہ کر لیا ہے وہ بہت جلد فر یال کو طلاق دے گا ۔تفصیلات کے مطابق باکسنگ چیمپئن عامر خان کے گھریلو جھگڑے میں نیا موڑ آ گیا۔ عامر کے والد سجاد نے بہو کے الزامات کو مسترد کر دیا۔ عامر خان کے والد کا کہنا ہے کہ ان کی بہو سستی شہرت کے لیے جھوٹ بول رہی ہے ان کی باتوں میں کوئی صداقت نہیں۔ سجاد نے کہا کہ فر یال مخدوم شہرت کی بھوکی ہے اور پتہ نہیں کب وہ مزید جھوٹے بیانات کے ساتھ سامنے آئیں گی۔ انہوں نے کہا کہ عامر خان بہت جلد فر یال کو طلاق دے دیگا۔ گزشتہ دنوں فر یال مخدوم نے اپنی سسرال والوں پر تشدد کا الزام لاگتے ہوئے کہا تھا کہ ان کے سسرال والے زبردستی ان سے جائیداد سے دستبرداری کی دستاویزات پر دستخط کروائے تھے۔