لاہور( این این آئی)پاکستان کرکٹ ٹیم آسٹریلیا سے تیسرا ٹیسٹ کھیلنے کے لئے میلبورن سے سڈنی پہنچ گئی ،قومی ٹیم اور مینجمنٹ کی آج ( اتوار )کوآسٹریلوی وزیراعظم سے ملاقات بھی شیڈول ہے ۔پاکستان کرکٹ ٹیم آسٹریلیا سے تیسرا ٹیسٹ کھیلنے کے لئے میلبورن سے سڈنی پہنچ گئی ہے۔ کھلاڑیوں نے گزشتہ روز آرام کیاجبکہ آج اتوار کو آسٹریلوی وزیر اعظم سے ملاقات طے ہے۔قومی ٹیم کے کھلاڑیوں کا پیر سے پہلا پریکٹس سیشن ہوگا۔ دوسری جانب میڈیا منیجر امجد حسین بھٹی نے کہا ہے کہ مصباح الحق تیسرے ٹیسٹ میں شرکت کریں گے۔ انہوں نے کہا کہ کپتان مستقبل پر غور ضرور کر رہے ہیں البتہ ایسا نہیں ہے کہ وہ میچ میں ہی شرکت نہ کریں۔ امجد بھٹی نے کہا کہ شکستوں سے ٹیم کا مورال ضرو ر گرا ہے تاہم کھلاڑی نئے عزم کے ساتھ تیسرا ٹیسٹ جیت کر سیریز کا اچھا اختتام کریں گے۔واضح رہے کہ پاکستانی ٹیم تین ٹیسٹ میچوں کی سیریز میں دو میں شکست کھا چکی ہے ۔

موضوعات:مصباح الحق