لاہور (آن لائن)پاکستانی نژادرطانوی باکسر عامر خان کی ازدواجی زندگی بدستور خطرے میں ہے لیکن عامر خان بیوی اور والدین کے اختلافات کو ایک طرف رکھ کر امریکہ میں اگلی فائٹ کیلئے بھرپور تیاری کر رہے ہیں۔تفصیلات کے مطابق پاکستانی نڑاد باکسنگ کنگ عامر خان رنگ میں کسی باکسر کی پیش نہیں چلنے دیتے لیکن ان کے گھروالے انہیں ناک آؤٹ ٹ کرنے پر تلے ہیں۔ عامر خان کیوالدسجاد خان نے دعویٰ کیا ہے کہ پسند کی شادی کرنے والے باکسر اپنی اہلیہ فریال مخدوم کو بہت جلد طلاق دے دیں گے۔نند اور بھاوج کی لڑائی میں انٹری ڈالتے ہوئے سجاد خان کا کہناہے کہ فریال ایک نمبرکی جھوٹی ہے۔ وہ شہرت کی بھوکی ہے اور پتہ نہیں وہ کب مزید جھوٹے بیانات کے ساتھ سامنے آجائے گی۔ اس سے پہلے فریال کا کہنا تھا کہ وہ اور عامر زندگی بھر ایک دوسرے کے رہیں گے۔فریال مخدوم نے اپنے سسرال والوں پر تشدد کا الزام لگاتے ہوئے کہا تھا کہ سسرالیوں نے زبردستی ان سے جائیداد سے دستبرداری کی دستاویزات پر دستخط کرائے تھے۔ گھریلولڑائی سے دلبرداشتہ عامرخان نے اپنی بیوی فریال اور بیٹی لمیسیا کے ساتھ کرسمس کی چھٹی سان فرانسسکو میں منائی اور تاحال امریکہ میں بھرپور ٹریننگ کر رہے ہیں۔ان کی اپریل میں فائٹ متوقع ہے۔ عامر خان کا کہنا ہے کہ باکسر کیل بروکس سے بات چیت کسی نتیجہ پر نہیں پہنچ سکی، انہیں اپنے پاکستانی مداحوں کی دعاؤں کی اشد ضرورت ہے۔#/s#

موضوعات:باکسنگ کنگ عامر خان نژادرطانوی باکسر عامر خان