میلبورن(آن لائن)کپتانی چھن جانے کے خوف سے افسردہ قومی کرکٹ ٹیم کے کپتان اظہر علی سے ٹیم مینجمنٹ نے ملاقات کرکے پرفارمنس پر توجہ دینے کی تلقین کی ہے۔ میڈیا رپورٹ کے مطابق قومی کرکٹ ٹیم کے کپتان اظہر علی سے ٹیم مینجمنٹ نے ملاقات کی ہے ،اظہرعلی کو پرفارمنس پرفوکس کرنے کی تلقین کی گئی،اظہرعلی سے کہا گیا کہ پرفارمنس سے اپنے بارے میں تاثر کو غلط ثابت کریں،ٹیم مینجمنٹ کے کچھ افرادنے اظہر علی کوسمجھایا اوران کا غصہ ٹھنڈا کیاچیئرمین پی سی بی کے بیان سے اظہر علی آسٹریلیامیں افسردہ اورپریشان ہو گئے تھے۔اظہرعلی کے علاوہ آپشن موجودہیں،چیئرمین پی سی بی نے سرفرازاحمدکی کپتانی کی طرف اشارہ کیا تھا،چیئرمین پی سی بی نے بیان دیا تھا کہ اظہرعلی کی کپتانی کے سٹائل سے وہ خوش نہیں ہیں،اظہرعلی چیئرمین پی سی بی کے ون ڈے کی کپتانی سے متعلق بیان پر ناراض اورافسردہ تھے۔