لاہور (آئی این پی) برسبین میں پہلے ٹیسٹ میں شکست کے باوجود پاکستانی ٹیم نے ڈریسنگ روم میں اسد شفیق کے ریکارڈ کی خوشی میں کیک کاٹا۔

تفصیلات کے مطابق برسبین میں آسٹریلیا کے خلاف پہلے ٹیسٹ کے اختتام پر پاکستانی کھلاڑیوں نے مڈل آرڈر بلے باز اسد شفیق کے ریکارڈ کی خوشی میں کیک کاٹا۔ تمام کھلاڑی ڈریسنگ روم میں اکٹھے تھے ، اس موقع پر کیک منگوایا گیا اور سب نے اسی خوشی سے خوب لطف اٹھایا۔

واضح رہے کہ اسد شفیق نمبر چھ پوزیشن پر سب سے زیادہ رنز بنانے والے پہلے پاکستانی بلے باز بن گئے ہیں ، آسٹریلیا کے خلاف ٹیسٹ میچ کے آخری روز اسد شفیق قومی ٹیم کو فتح کی جانب لے گئے۔مڈ ل آرڈر بلے باز نے 130 رنز کی شاندار اننگ کھیلی اور فتح سے 39 رنز قبل آؤٹ ہوگئے تھے۔