برسبین(مانیٹرنگ ڈیسک) نجی ٹی وی رپورٹ کے مطابق برسبین میں موجود پاکستان کرکٹ ٹیم کے اہم کھلاڑی وہاب ریاض اور یاسر شاہ آپس میں گتھم گتھا ہو گئے۔ تفصیلات کے مطابق قومی کرکٹ ٹیم کے پریکٹس سیشن میں فٹبال میچ کے دوران وہاب ریاض اور یاسر شاہ آپس میں گتھم گتھا ہو گئے۔ لڑائی کی وجہ فٹبال کو ایک دوسرے سے چھیننے کی کوشش تھی۔ نجی ٹی رپورٹ کے مطابق وہاب ریاض اور یاسر شاہ کے درمیان شدید تلخی ہوئی تو دیگر کھلاڑی بھی میدان میں کود پڑے اور بچ بچا کرواتے رہے۔ قومی ٹیم کے دونوں کھلاڑیوں کو پریکٹس سیشن سے ڈریسنگ روم میں بلا لیا گیا۔

موضوعات:کرکٹ لڑائی