لاہور(مانیٹرنگ ڈیسک)پاکستان کرکٹ بورڈکی ایگزیکٹیو کمیٹی کے چیئرمین نجم سیٹھی نے کہاہے کہ پی ایس ایل کے سلسلے میں باربارعرب امارات جانے کی وجہ سےزیادہ خرچ آیاہے ۔انہوں نے کہاکہ میں نے خود وزارت برائے بین الصوبائی رابطہ امور کو دیا جانے والا سٹیٹمنٹ بنایاتھا۔ایک نجی ٹی وی کے مطابق پاکستانی کرکٹ بورڈکے بھاری اخراجات کی رپورٹ میں یہ بات منظرعام پرآئی ہے کہ سب سے زیادہ رقم نجم سیٹھی نے خرچ کی ہے ۔

ایک نجی ٹی وی سے گفتگوکرتے ہوئے نجم سیٹھی نے کہاکہ وزارت برائے بین الاصوبائی رابطہ امورنے ان سے کرکٹ بورڈکے سابق سربراہ ذکا اشرف، موجودہ سربراہ شہریار خان، چیف آپریٹنگ آفیسر سبحان احمد اور میرے ٹورز کے حوالے سے تفصیلات طلب کی تھیں۔انہوں نے کہاکہ پی ایس ایل کے سلسلے میں باربارعرب امارات جانے اورقطرکے دورے کی وجہ سے اخراجات بڑھے جبکہ اس کام میں چھ ماہ لگ گئے اور پاکستان سپرلیگ نےمجھے دس سال زیادہ بوڑھاکردیاہے ۔انہوں نے کہاکہ اس کے علاوہ بھی ضروری ٹورزتھے جن پربھاری اخراجات آئےاوران تمام کی میں تفصیل فراہم کروں گا۔