نئی دہلی (آئی این پی ) برطانیہ کے سابق وزیراعظم ڈیوڈ کیمرون نے کہا ہے کہ انگلینڈ کرکٹ ٹیم کی خراب کارکردگی کو بہتر کرنے کیلئے اگر سچن ٹنڈولکر کو اغوا بھی کرنا پڑا تو وہ کریں گے۔ برطانیہ کے سابق وزیر اعظم ڈیوڈ کیمرون ان دنوں بھارت میں سیاسی رہنماوں کی کانفرنس میں شرکت کیلئے آئے ہوئے ہیں۔ انگلینڈ کرکٹ ٹیم بھی ان دنوں ہندوستان میں ٹیسٹ میچز کھیل رہی ہے، جہاں اسے شکست کا سامنا ہے۔ انگلینڈ ٹیم کی خراب پرفارمنس پر تشویش کا اظہار کرتے ہوئے ڈیوڈ کیمرون نے کہا کہ انگلینڈ ٹیم کی بہتری کیلئے ضرورت پڑنے پر وہ عظیم سچن ٹنڈولکر کی خدمات جبری طور پر بھی حاصل کرسکتے ہیں۔