کرائسٹ کرچ (این این آئی)پاکستان اور نیوزی لینڈ کر کٹ ٹیموں کے درمیان پہلے ٹیسٹ کا آغاز (آج)17نومبر سے کرائسٹ چرچ میں ہوگا ۔تفصیلات کے مطابق پاکستانی ٹیم ویسٹ انڈیز سے تین روزہ ٹیسٹ میچوں کی سیریز جیتنے کے بعد نیوزی لینڈ پہنچ چکی ہے تین ٹیسٹ میچوں کی سیریز کے پہلے دو ٹیسٹ میچ پاکستان نے جیتے تاہم ویسٹ انڈیز نے شارجہ میں کھیلے گئے

تیسرے ٹیسٹ میچ میں پانچ وکٹ سے فتح اپنے نام کی تھی۔پاکستانی ٹیم اب نیوزی لینڈ کے خلاف دو ٹیسٹ میچوں کی سیریز کھیلے گی جس کا آغاز 17 نومبر سے کرائسٹ چرچ میں ہو گا ٗ دوسرا میچ 25 نومبر سے ہملٹن میں کھیلا جائے گا۔اس سیریز کے بعد پاکستانی ٹیم برسبین جائے گی جہاں برسبین میں 15 دسمبر سے شروع ہونے والے ڈے نائٹ ٹیسٹ سے سیریز کا آغاز ہو گا۔

معروف کرکٹ ویب سائٹ کے مطابق پاکستانی ٹیم کے میدان میں اترنے والے کھلاڑی یہ ہونگے۔سمیع اسلم، اظہرعلی، اسد شفیق، یونس خان، مصباح الحق، بابر اعظم، سرفرازاحمد، ووہاب ریا، یاسرشاہ، محمدعامر اورسہیل خان۔