کوانٹن(آئی این پی)پاکستان نے ایشین ہاکی چیمپئن ٹرافی کے دوسرے سیمی فائنل میں سنسنی خیز مقابلے کے بعد ملائشیا کو پنالٹی شوٹ آؤٹ پر 3-2سے شکست دے دی ، فائنل روایتی حریفوں پاکستان اور بھارت کے مابین آج کھیلا جائے گا ۔ تفصیلات کے مطابق پاکستان ایشین ہاکی چیمپئن ٹرافی کے دوسرے سیمی فائنل میں سنسنی خیز مقابلے کے بعد ملائشیا کو ہرا کر فائنل میں پہنچ گیا ۔ کھیل کے مقررہ وقت تک میچ 1-1گول سے برابر رہا ۔ میچ کا حتمی فیصلہ پنالٹی شوٹ آؤٹ پر ہوا جہاں پاکستان نے ملائشیا کو 3-2سے شکست دی۔ پاکستانی گول کیپر عمران بٹ نے شاندار کارکردگی کا مظاہرہ کرتے ہوئے شوٹ آؤٹ مرحلے میں دو گول بچائے ۔ ایشین ہاکی چیمپئن ٹرافی کا فائنل روایتی حریفوں پاکستان اور بھارت کے درمیان کھیلا جائے گا۔ بھارت پہلے ہی کوریا کو ہرا کر فائنل پہنچا ہوا ہے ۔دفاعی چیمپئن پاکستان اس دفعہ بھی بھارت کو شکست دے کر ہیٹرک کرنے کے لئے پرعزم ہے ۔