منگل‬‮ ، 10 مارچ‬‮ 2026 

انسانیت کی فلاح اورنجات کاواحد راستہ ،معروف کرکٹر محمد یوسف کا تقریب سے پراثرخطاب

datetime 26  اکتوبر‬‮  2016 |

پشاور(مانیٹرنگ ڈیسک)پاکستان کے معروف کرکٹر محمد یوسف نے کہاہے کہ انسانیت کی فلاح اورنجات کاواحد راستہ اسلامی تعلیمات پرعمل پیرا ہونے میں ہے۔ آج وطن عزیز اورپوری انسانیت کوجن چیلنجز کاسامنا ہے ان سے نبرد آزما ہونے کے لئے ہمیں قرآن وسنت کی تعلیمات کو اپنانا ہوگا۔ وہ منگل کو کے ایم یو انسٹی ٹیوٹ آف فزیکل میڈیسن اینڈ ری ہیبی لیٹیشن(آئی پی ایم اینڈ آر) میں طلباء وطالبات اورفیکلٹی سے خطاب کررہے تھے جبکہ ا س موقع پر یونیورسٹی کے وائس چانسلر پروفیسر ڈاکٹرمحمد حفیظ اللہ کے علاوہ ڈائریکٹر اکیڈیمکس پروفیسر ڈاکٹر محمد الیاس سعیدی، ڈائریکٹر اورک ڈاکٹر ضیاء الحق، ڈائریکٹر آئی بی ایم ایس پروفیسر ڈاکٹر جواد احمد اور آئی پی ایم اینڈآر کے ڈائریکٹر ڈاکٹر حیدر دارین بھی موجود تھے۔محمد یوسف نے کہا کہ اسلام کی بنیاد مضبوط عقیدے اور کلمہ توحید پراستوار ہے جبکہ نماز اسلام کابنیادی ستون اور دنیا وآخرت کی بھلائی کاذریعہ ہے۔انہوں نے طلباء وطالبات پرزوردیا کہ اپنی پیشہ ورانہ صلاحیتوں میں اضافہ کے ساتھ کچھ نہ کچھ دین اسلام کی خدمت اوردعوت وتبلیغ کو بھی دینا چاہیے۔ انہوں نے کہاکہ جب تک مسلمان اسلامی تعلیمات پرعمل پیرا رہے تب تک وہ دنیا کے حکمران رہے اور انہونے مشرق ومغرب پرحکومت کی لیکن جب انہوں نے اسلامی تعلیمات کو چھوڑ دیا تو وہ نہ صرف زوال کاشکار ہوئے بلکہ اللہ تعالیٰ نے ان پر دوسری قوموں کو مسلط کرکے ان کو انکے کئے کی سزا دی۔ محمد یوسف نے کہاکہ ہمیں اپنی زندگیاں قرآن وسنت نبوی ؐ کے مطابق بنانے کے لئے جہاں اسلام کی بنیادی تعلیمات کو سیکھنا ہوگا وہاں اللہ تعالیٰ کاپیغام دوسروں تک پہنچانے کے لئے اپنے24گھنٹے کی زندگی میں کچھ نہ کچھ ضرور وقف کرنا ہوگا۔ انہوں نے کہاکہ روز جزا ہم سے ہمارے اعمال اورعبادات کی پرستش ہوگی۔انہوں نے کہاکہ دنیا اور آخرت میں فلاح اورکامیابی کے لئے ہمیں اللہ تعالیٰ اور ا سکے آخری رسولؐ کے احکامات کونہ صرف سمجھنا ہوگا بلکہ ان پر ان کی حقیقی روح کے مطابق عمل درآمد بھی کرنا ہوگا۔



کالم



مذہبی جنگ


رچرڈ نکسن امریکا کے 37ویں صدر تھے‘ یہ بھی ڈونلڈ…

اینڈ آف مسلم ورلڈ

ہمیں ایران امریکا جنگ کے نتیجے کو سمجھنے کے لیے…

عربوں کا کیا قصورہے؟

ایف 35 دنیا کا مضبوط اور مہلک ترین فائٹر جیٹ ہے‘…

اختتام کا آغاز

’’ہمارے پاس صرف 35 سال ہیں‘ ہم ان میں جتنا جی…

امانت خان شیرازی

بادشاہ اس وقت برہان پور میں تھا‘ مغل دور میں…

ہائوس آف شریف

جنرل غلام جیلانی نے جنرل ضیاء الحق کو آرمی چیف…

نواز شریف کی سیاست میں انٹری

لارنس گارڈن کے کرکٹ گرائونڈ میں میچ چل رہا تھا‘…

چوہے کھانا بند کریں

ہندوستان کا کوئی شہزادہ مہاتما بودھ کے پاس گیا…

رعونت پر بکھری ہوئی خاک

کراچی میں وسیم انصاری نام کا ایک چھوٹا سا سٹیج…

وہ واقعہ جو کتاب میں نہیں

1999ء میں دو وزیراعظم ہانگ کانگ میں ایک ہی ہوٹل…

بخاریؒ کو امام بنانے والے لوگ

نویں صدی کا شہر بخاراتھا اور اس شہر میں ایک سادہ…