اسلام آباد(مانیٹرنگ ڈیسک) پاکستان نے دوسرے ٹیسٹ میچ میں اپنی دوسری اننگ 227 رنز پر ڈکلیئر کر کے ویسٹ انڈیز کو فتح کیلئے 456 رنز کا ہدف دیا ہے۔میچ کے چوتھے دن پاکستان نے 114 رنز ایک کھلاڑی آؤٹ سے اپنی نامکمل اننگ دوبارہ شروع کی تو اسد شفیق اور اظہر علی وکٹ پر موجود تھے۔دونوں کھلاڑیوں نے عمدہ بیٹنگ کے سلسلے کو برقرار رکھتے ہوئے دوسری وکٹ کیلئے 71 رنز کی شراکت قائم کی تاہم اظہر نے سنچری کا نادر موقع ضائع کیا اور 79 رنز بنانے کے بعد میگوئل کمنز کو وکٹ دے بیٹھے۔اسد شفیق کی عمدہ فارم کا سلسلہ جاری رہا اور انہوں نے ایک اور نصف سنچری اسکور کرتے ہوئے پاکستانی ٹیم کو ڈبل سنچری مکمل کرائی۔یونس خان اور اسد شفیق نے تیسری وکٹ کیلئے 64 رنز جوڑ کر اسکور کو 227 رنز تک پہنچایا ہی تھا کہ کھانے کے وقفے کے ساتھ ہی مصباح الحق نے اننگ ڈکلیئر کرنے کا اعلان کردیا، اسد 58 اور یونس 29 رنز کے ساتھ ناقابل شکست رہے۔پاکستان ے پہلی اننگ کی برتری کی بدولت ویسٹ انڈیز کو جیت کیلئے 448 رنز کا ریکارڈ ہدف دیا۔ویسٹ انڈیز کی ٹیم پہلی اننگ میں 224 رنز بنا کر آؤٹ ہو گئی تھی اور پاکستان نے 228 رنز کی برتری حاصل کی تھی۔

موضوعات:پاکستان بمقابلہ ویسٹ انڈیز