اسلام آباد(مانیٹرنگ ڈیسک)یونس خان کے عظیم کارنامے،ڈریوڈ اورٹنڈولکر کو بھی پیچھے چھوڑ دیا، تفصیلات کے مطابق پاکستان کے مایہ ناز بیٹسمین یونس خان نے ایک اور ریکارڈ قائم کرتے ہوئے بھارتی بیٹسمین سچن ٹنڈولکر اور راہول ڈریوڈ کو بھی پیچھے چھوڑ دیا، 35سال سے زیادہ عمر کے بعد ٹنڈولکر اور راہول ڈریوڈ دو ایسے کھلاڑی تھے جنہوں نے بارہ بارہ ٹیسٹ سنچریاں بنا رکھی تھیں جبکہ یونس خان نے ویسٹ انڈیز کیخلاف دوسرے ٹیسٹ کی پہلی اننگز میں سنچری جڑ کر ٹنڈولکر اور راہول ڈریوڈ کا ریکارڈ توڑ دیا ، یہ یونس خان کی 13ہویں سنچری ہے جو کہ انہوں نے 35سال کی عمر کا ہونے کے بعد بنائی۔یونس خان کی اس وقت عمر38سال ہے اورانہوں نے ٹیسٹ کرکٹ میں مجموعی طورپر 32سنچریاں بنارکھی ہیں۔