ابو ظہبی(آئی این پی )ویسٹ انڈیز کے خلاف دوسرے ٹیسٹ میچ کے دوسرے روز پاکستان کو کپتان مصباح الحق کی صورت میں بڑا نقصان اٹھانا پڑا ’نروس نائنٹیز‘ کا شکار ہوگئے اور 96 رنز بناکر شینن گیبریئل کی گیند پر ایل بی ڈبلیو ہوگئے۔ دوسرے روز کھیل کا آغاز ہوا تو پاکستان نے 304 رنز 4 کھلاڑی آؤٹ پر پہلی اننگز دوبارہ شروع کی اور اس وقت مصباح الحق 90 رنز بناکر وکٹ پر موجود تھے۔ 338 کے مجموعی اسکور پر کپتان مصباح الحق 96 رنز بناکر آؤٹ ہوئے جس کے بعد سرفراز احمد بیٹنگ کے لیے آئے ۔یونس خان نے اپنے تجربے کا ثبوت دیتے ہوئے پھر لاجواب بلے بازی کی اور کپتان مصباح الحق کے ساتھ شاندار شراکت قائم کر کے بڑے اسکور کیلئے بنیاد فراہم کی اور چوتھی وکٹ کیلئے 175 رنز کی عمدہ شراکت قائم کی۔ انگلینڈ کے خلاف اول میں ڈبل سنچری بنانے والے یونس نے اپنی فارم کا سلسلہ جاری رکھا اور بیماری کے بعد صحتیاب ہو کر ٹیم میں واپس آتے ہی سنچری بنائی۔وہ دس چوکوں اور ایک چھکے سے مزین 127 رنز کی شاندار اننگ کھیلنے کے بعد کریگ بریتھ ویٹ کی گیند پر آؤٹ ہوئے جو پہلے دن کی آخری گیند ثابت ہوئی۔ کرکٹ گروز کے مطابق یونس خان کی دھوں دار واپسی سے مخالف ٹیم میں پریشانی بھی صاف محسوس کی گئی ۔