لاہور(آئی این پی)پاک آرمی نے پہلے ٹی ٹوٹنی میچ میں آسٹریلیا آرمی کی ٹیم کو چار وکٹوں سے شکست د یدی۔گیریژن گراؤنڈ لاہور میں ہونے والے میچ میں آسڑیلیا آرمی نے ٹاس جیت کر بیٹنگ کا فیصلہ کیا اور مقررہ20 اوورز میں130 رنز بنائے۔ کپتان گریگ ہومز نے28 رنز کی اننگز کھیلی۔ 131رنز کے تعاقب میں پاک آرمی کی ٹیم نے6 وکٹیں کھو کر ہدف پورا کر کے 4 وکٹوں سے میدان مار لیا۔اس سے قبل آسڑیلیا آرمی کرکٹ ٹیم کے کھلاڑیوں نیاپنی اننگز کے اختتام پر ڈھول کی تھاپ پر بھنگڑے ڈالے کورکمانڈرلاہور لیفٹیننٹ جنرل صادق علی میچ کے مہمان خصوصی تھے۔آسڑیلیا آرمی اپنا دوسرا میچ(آج) قذافی اسٹیڈیم میں پی سی بی انڈرٹونٹی ون ٹیم کیخلاف کھیلے گی جبکہ تیسرامیچ اکیس اکتوبر کو پولیس الیون کے خلاف جم خانہ کلب میں کھیلے گی۔