اسلام آباد( مانیٹرنگ ڈیسک ) ویسٹ انڈیز کرکٹر ڈیوائن براوو نے بھارتی فلم سٹار سلمان خان کے ساتھ ڈانس کرنے کی خواہش کا اظہار کردیا، براوو اس سے قبل ورلڈ ٹی 20 کے موقع پر اپنے گانے ’چیمپیئن‘ کی وجہ سے بھی خاصی شہرت سمیٹ چکے ہیں، وہ بھارتی ٹی وی ڈانس شو میں بھی شریک ہونے جارہے ہیں۔33 سالہ کرکٹر نے سلمان خان کے ساتھ ڈانس کرنے کی خواہش بھی ظاہر کردی، جس کیلئے انہوں نے سماجی رابطے کی ویب سائٹ کا سہارا لیا ہے، جس میں اپنے ویڈیو پیغام میں انہوں نے سلمان خان کو مخاطب کرتے ہوئے کہا ہے کہ میں آپ کے ساتھ ڈانس کرناچاہتا ہوں، میں آپ کی فلم کے کسی بھی گانے میں آپ کے ساتھ تھرکرنے کو تیار ہوں، میں ہمہ وقت اس کیلئے تیار ہوں، براوو نے اس میں سلمان خان کے چند مشہور گانوں پر پرفارمنس بھی دی ہے۔

موضوعات:ڈیوائن براوو سلمان خان