اسلام آباد (این این آئی)سابق کپتان قومی کرکٹ ٹیم جاوید میاں داد کی پشاور زلمی میں بطور منٹور تقرری کا اعلان جلد متوقع ہے۔نجی ٹی وی کے مطابق سابق کپتان قومی کرکٹ ٹیم جاوید میاں داد نے پی ایس ایل کی ٹیم پشاور زلمی کے مالک جاوید آفریدی سے ملاقات کی۔ اس ملاقات میں ان کے پشاور زلمی کے منٹور کے طور پر معاملات تقریباً طے پاگئے ہیں جس کے بعد ان کی پشاور زلمی میں بطور منٹور تقرری کا اعلان بھی جلد متوقع ہے۔ واضح رہے کہ سابق کپتان جاوید میانداد 13 سال بعدکرکٹ کے کھیل میں کسی بھی قسم کی ذمہ داریاں نبھائیں گے ٗ 13 سال پہلے وہ پاکستان ٹیم سے وابستہ تھے۔
)سابق کپتان شاہد آفریدی نے کہا ہے کہ جب تک کوئی ثبوت نہ ہوکسی پرالزام نہیں لگانا چاہیے ٗاگرمیرے پاس مصالحت کرنے کی چوائس نہ ہوتی تو میں عدالت ہی جاتا ٗان شاء اللہ جلد گراونڈ میں نظر آؤں گا۔نجی ٹی وی کے مطابق شاہد آفریدی نے کہاکہ اسٹارز اگرغلط زبان استعمال کریں تو فینز پر برا اثر پڑتاہے،جاویدبھائی بڑے ہیں،کبھی نہیں کہا کہ وہ مجھ سے معافی مانگیں ٗملاقات میں 3افراد تھے،ایک میں دوسرے میانداداورتیسراویڈیوبنانے والے مشتاق آفریدی تھے ٗمصالحت ضروری تھی کیونکہ چاہتا تھا کہ معاملہ عدالت سے باہرہی حل ہوجائے۔انہوں نے کہا کہ پاکستان کو جب بھی میری ضرورت پڑے گی میں حاضر ہوجاؤں گا۔ ابھی کرکٹ کھیلنی ہے اورکھیلتا رہوں گاان شاء اللہ جلد گراؤنڈ میں نظر آوں گا۔

موضوعات:شاہد آفریدی