لاہور( این این آئی)پاکستان کی جونیئر ہاکی ٹیم کے دورہ بھارت کو وزیراعظم نواز شریف کی اجازت سے مشروط کردیا گیا۔وزیربین الصوبائی رابطہ ریاض حسین پیزادہ کے مطابق وزیراعظم سے مشاورت کے بعد پاکستان ہاکی فیڈریشن کے خط کاجواب دینگے،ٹیم کوبھارت بھیجنے کی ابھی تک وزیراعظم ہاؤس سے کوئی ہدایات نہیں ملیں۔انہوں نے کہا کہ وزیر اعظم یا وزارت داخلہ سے مشاورت کے بغیرٹیم بھارت نہیں بھیج سکتے۔پی ایچ ایف نے جونیئر ہاکی ورلڈ کپ میں شرکت کیلئے ٹیم کے دورہ بھارت کی اجازت مانگی تھی۔جونیئر ہاکی ورلڈ کپ 8سے 18دسمبر تک بھارت کے شہرپونامیں ہو گا۔

موضوعات:پاکستانی ٹیم