لاہور( این این آئی)بگ تھری کامکمل خاتمہ،پاکستان کے اقدام پر بھارتی سر پکڑ کر بیٹھ گئے ،پاکستان کرکٹ بورڈ کی ایگزیکٹو کمیٹی کے چیئرمین نجم سیٹھی اور بورڈ کے چیف آپریٹنگ آفیسر سبحان احمد آئی سی سی اجلاس میں شرکت کیلئے جنوبی افریقہ روانہ ہوگئے۔نجم سیٹھی شہریار خان کے دستیاب نہ ہونے کے باعث آئی سی سی اجلاس میں انکی نمائندگی کریں گے ۔پاکستان کرکٹ بورڈ آئی سی سی اجلاس میں گزشتہ اجلاس کی طرح بگ تھری کے مکمل خاتمے کے حوالے سے اپنا مضبوط موقف پیش کرے گا۔پی سی بی کی جانب سے آئی سی سی کی سالانہ آمدنی کو دس رکن ممالک کے درمیان برابر تقسیم کرنے پر بھی بات کی جائے گی۔ذرائع کے مطابق پی سی بی آئی سی سی فنانس بل پر بھارت کی ڈٹ کر مخالفت کرے گا۔پی سی بی انڈین کرکٹ بورڈ کے عدالتی معاملات کو بھی آئی سی سی میٹنگ میں اٹھائے گا۔ذرائع کے مطابق پی سی بی آئی سی سی میں مضبوظ لابنگ کے لئے دیگر بورڈز جنوبی افریقہ،انگلینڈ،سری لنکا،ویسٹ انڈیز اور زمبابوے کے ساتھ بھی رابطے میں ہے۔دوسری جانب بھارتی کرکٹ بورڈ کے عہدیدار پاکستان کی حکمت عملی کے جواب میں سرگرم ہوگئے ہیں ۔