لندن( آن لائن ) انگلش ٹیم کے فاسٹ باؤلر ڈیوڈ ویلے فٹنس مسائل کے باعث رواں ہفتے پاکستان کے خلاف شیڈول ون ڈے سیریز سے دستبردار ہو گئے، ان کی جگہ ناٹنگھم شائر کے جیک بال کو ٹیم میں طلب کر لیا گیا ہے۔ انگلینڈ اور پاکستان کے درمیان پانچ ون ڈے میچوں پر مشتمل سیریز کا آغاز 24 اگست سے ہو گا۔ انگلینڈ اینڈ ویلز کرکٹ بورڈ (ای سی بی) کی طرف سے جاری بیان میں بتایا گیا ہے کہ ڈیوڈ ویلے نیٹ ویسٹ ٹی ٹوئنٹی سیریز میں ڈرھم کیخلاف سیمی فائنل میں ہاتھ کی انجری کا شکار ہوئے تھے ڈاکٹروں نے طبی معائنے کے بعد بتایا ہے کہ انجری سنجیدہ نوعیت کی ہے اس لئے انہیں آرام کرنا پڑے گا اور پاکستان کیخلاف ون ڈے سیریز میں ٹیم کا حصہ نہیں ہونگے ۔