لاہور(مانیٹرنگ ڈیسک )پی سی بی کی ایگزیکٹو کمیٹی کے چیئرمین نجم سیٹھی نیا پنڈورا باکس کھول دیا۔ کہتے ہیں کہ پاکستان میں کوئی ڈسپلن نہیں سب شارٹ کٹ ہے۔ ساتھ ہی عمر اکمل اور احمد شہزاد کو ٹیم سے آؤٹ کرنے پر سابق کوچ کو تنقید کا نشانہ بنا ڈالا۔ نجی ٹی وی کے مطابق برطانوی نشریاتی ادارے کو دیئے گئے انٹرویو میں نجم سیٹھی نے دبے لفظوں سابق کوچ وقار یونس کو تنقید کا نشانہ بنا ڈالا۔ کہتے ہیں کہ دو قومی اسٹارز کو ٹیم سے صرف اس وجہ سے نکالا گیا کہ ان کی کوچ سے نہیں بنتی تھی۔ پی سی بی کی ایگزیکٹو کمیٹی کے چیئرمین نے پاکستان کرکٹ کا پول کھول دیا کہا کہ پاکستان میں کرکٹ کا کوئی ڈسپلن ہے نہ ہی کوئی ٹیلنٹ اور جو ہوتا ہے سب شارٹ کٹ یعنی پس پردہ۔ نجم سیٹھی نے انٹرویو میں یہ بھی انکشاف کیا کہ پاکستان کرکٹ بورڈ کو کیسے چلانا ہے ان کا چیئرمین شہریار خان سے معاہدہ تھا۔ سابق چیئرمین پی سی بی نے متنازعہ بیان دے کر کرکٹ حلقوں میں ہلچل مچا دی ہے۔

موضوعات:ٹیلنٹ شہریار خان کرکٹ نجم سیٹھی