اوول (نیوز ڈیسک) پاکستان اور انگلینڈ کے مابین سیریز کے چوتھے اور آخری ٹیسٹ میچ کے دوسرے دن چائے کے وقفے پر پاکستان نے انگلینڈ کے خلاف تین وکٹوں کے نقصان پر 249 رنز بنا لیے ہیں۔پاکستان کو انگلینڈ کی برتری ختم کرنے کے لیے مزید 79 رنز کی ضرورت ہے اور پہلی اننگز میں اس کی سات وکٹیں باقی ہیں۔پاکستان کی جانب سے اظہر علی نے نو چوکوں کی مدد سے 49 رنز بنائے۔اس وقت کریز پر اسد شفیق 99 رنز کے ساتھ جبکہ یونس خان 58 رنز کے ساتھ موجود ہیں۔مہمان ٹیم کی جانب سے اظہر علی اور اسد شفیق نے تیسری وکٹ کی شراکت میں 75 رنز بنائے۔اسد شفیق نے معین علی کو 38 ویں اوور میں چھکا مارا جو پاکستان کی اننگز کا پہلا چھکا تھا۔اس سے پہلے پاکستان کی جانب سے اظہر علی اور یاسر شاہ نے دوسرے دن کے کھیل کا آغاز کیا۔دونوں بیٹسمینوں نے دوسری وکٹ کی شراکت میں 49 رنز بنائے۔