ممبئی(آئی این پی) پاکستان کے عظیم بیٹسمین حنیف محمد کے انتقال پر بھارت کے سابق کرکٹرز نے بھی افسوس کا اظہار کیا۔ سچن ٹنڈولکر کہتے ہیں کہ حنیف محمد کی شخصیت نہایت متاثر کن تھی ۔ وہ ہمیشہ ہی ہر کسی کے ساتھ مثبت اور معاون رہے ۔ میرے مطابق وہ ہال آف فیم میں شامل ہونے کے سچے حقدار تھے ۔ان سے 2005 میں ہونے والی ملاقات کی یادیں میرا اثاثہ ہیں۔ سابق اوپنر وریندرسہواگ نے کہا کہ حنیف محمد کھیل کے آئیکون تھے، وہ ہمیشہ لوگوں کے دلوں میں زندہ رہیں گے۔دوسری جانب آئی سی سی کے چیف ایگزیکٹیو ڈیو رچرڈسن نے اعلامیے میں کہا کہ حنیف محمد کے انتقال کا سن کر بہت افسوس ہوا، کھیل کے لیے ان کی خدمات انمول ہیں، ویسٹ انڈیز کے خلاف ٹرپل سنچری ایک عظیم اننگز تھی، اس بات میں کوئی شک و شبہ نہیں کہ وہ ہال آف فیم میں شامل ہونے کے حقیقی حقدار تھے۔