لاہور(این این آئی )محمدحفیظ کے صبر کا پیمانہ لبریز،چیئرمین پی سی بی شہریارخان کو کھری کھری سنادیں، مایہ ناز پاکستانی آل راؤنڈر محمد حفیظ نے سوشل میڈیا پرچیئرمین پاکستان کرکٹ بورڈ شہریار خان کے غیر تعلیم یافتہ کھلاڑیوں بارے دیئے بیان کو مسترد کرتے ہوئے کہا ہے کہ چےئرمین پی سی بی کے تعلیم کے حوالے سے دیئے گئے بیان کو مسترد کرتاہوں۔انہوں نے کہا کہ تعلیم ضروری ہے لیکن صرف ڈگری کافی نہیں ہے انہوں نے کہاکہ ٹیسٹ کرکٹر ہونے پر فخر ہے اور یہی میری ڈگری ہے ۔واضح رہے کہ چیئر مین پی سی بی نے اپنے ایک بیان میں غیرتعلیم یافتہ کھلاڑیوں کو کرکٹ کی تباہی کی وجہ قرار دیا تھا ۔ جس پر ردعمل دیتے ہوئے پاکستانی کرکٹ سٹا ر محمد حفیظ نے گزشتہ روز سوشل میڈیا پلیٹ فارم سے اپنے جذبات کا اظہار کرتے ہوئے چیئرمین پی سی بی کے بیان سے کھلا احتلاف کیاہے۔