چیلمز فورڈ(آن لائن) پاکستان مڈ ل آرڈر بلے بازعمر اکمل 4000ٹونٹی ٹونٹی رنز مکمل کرنے والے چوتھے ملکی بلے باز بن گئے ہیں۔ انگلش نیٹ ویسٹ ٹی ٹونٹی بلاسٹ ٹورنامنٹ میں لیسٹر شائر کی نمائندگی کرنے والے عمر اکمل نے ایسیکس کے خلاف 32گیندوں پر 52رنز کی ناقابل اننگز کھیلی جو انکی ٹیم کو تو فتح نہ دلا سکے تاہم اس دوران وہ شعیب ملک (5995) ،محمد حفیظ (4210) اور اظہر محمود(4088) کے بعد 4ہزار ٹی ٹونٹی رنز مکمل کرنے والے چوتھے پاکستانی کھلاڑی بن گئے۔ 25سالہ عمر اکمل اپنے ٹونٹی ٹونٹی کیریئر میں اب تک 178میچز میں 30.82کی اوسط اور 130.01کے سٹرائیک ریٹ سے 4007رنز سکور کرچکے ہیں جس میں 25نصف سنچریاں شامل ہیں۔ ۔