بنگلور(آن لائن) آسٹریلیا کرکٹ ٹیم کے اسٹار آل راو¿نڈر شین واٹسن کا کہنا ہے کہ ویرات کوہلی کی طرح کبھی کوئی نہیں کھیل سکتا۔شین واٹسن کا اپنے ایک بیان میں کہنا تھا کہ ٹی ٹوئنٹی کے پورے کیرئر میں ایک سنچری بنانا غیرمعمولی احساس ہوتا ہے لیکن اگر کوئی آئی پی ایل کے صرف ایک سیزن میں چار دفعہ یہ کارنامہ انجام دے!’واٹسن نے ہندوستانی بلے باز کی تیکنیک کی تعریف کرتے ہوئے کہا کہ ‘ویرات کوہلی اور اے بی ڈی ولیئرز ایک وقت میں مختلف گیم کھیلتے ہیں، کھیل پر ان کی گرفت اور جو کچھ وہ کررہے ہوتے ہیں وہ شاندار ہے’۔آسٹریلوی آل راو¿نڈر نے رائل چیلنجرز بنگلور (آر سی بی) ٹیم کا حصہ ہونے پر فخر کا اظہار کرتے ہوئے کہا کہ ‘آر سی بی کے ساتھ کھیلنے پر فخر ہے جہاں میدان سے باہر ویرات کوہلی اور ڈی ولیئرز کے حوالے سے اور وہ کتنے بہترین لوگ سب جاننے کا موقع ملا’۔ان کا کہنا ہے کہ وہ آسٹریلیا کی جانب سے ویرات کوہلی کے خلاف ایک خاص منصوبہ بندی کے تحت کھیلتے ہیں اور انھیں زیادہ سے زیادہ مصروف رکھنے کی کوشش کی ہے کیونکہ وہ بہت کم غلطیاں کرتے ہیں۔واٹسن کے مطا بق ‘ویرات کوہلی میرے تین اوور کا سامنا کرنے کے بعد مجھے کتاب کی طرح پڑھتے ہیں اور جہاں چاہتے ہیں وہی کھیلتے ہیں’۔