لاہور (این این آئی)قومی کرکٹر احمد شہزاد کو دورہ انگلینڈ کے کیمپ میں شامل کیے جانے کا امکان ہے ¾ چیئرمین پی سی بی نے گرین سگنل دے دیا، سلیکشن کمیٹی کو اعتراض نہ ہوا تو انھیں کیمپ میں شامل کرلیا جائے گا۔ذرائع کے مطابق احمد شہزاد نے گزشتہ روز چیئرمین پی سی بی شہریار خان کو خط لکھا جس میں انھوں نے اپنا ڈسپلن بہتر بنانے کا یقین دلایا۔احمد شہزاد نے خط میں لکھا کہ وہ آئندہ شکایت کا موقع نہیں دیں گے اور کھیل پر توجہ مرکوز رکھیں گے۔چیئرمین پی سی بی کی جانب سے احمد شہزاد کو شامل کرنے کا گرین سگنل مل گیااب ان کی کیمپ میں شمولیت کا انحصار سلیکشن کمیٹی پر ہے۔انضمام الحق نے کوئی اعتراض نہ کیا تو احمد شہزاد کو دورہ انگلینڈ کے کیمپ میں شامل کرلیا جائے گا۔کچھ روز پہلے احمد شہزاد نے کہا تھا کہ انھوں نے کوئی غلطی نہیں کی تو معافی کس چیز کی مانگیں؟ایبٹ آباد میں دورہ انگلینڈ کے لیے بوٹ کیمپ چودہ مئی سے شروع ہوگا۔