سڈنی(این این آئی)آسٹریلیا میں کرکٹ کے حکام نے کہاہے کہ بلے بازوں کو فاسٹ اور میڈیم فاسٹ بولنگ کا سامنا کرتے وقت نئے ڈیزائن کے ہیلمٹ پہننا لازمی ہو گا۔یہ فیصلہ آسٹریلوی بلے باز فلپ ہیوز کی موت کے تقریباً ڈیڑھ سال بعد آیا وہ نومبر 2014 میں سر کے پچھلے حصے پر گیند لگنے سے دو روز کوما میں رہنے کے بعد انتقال کر گئے تھے ان کی موت کے بعد کرکٹ کے حفاظتی اقدامات کی جانچ کا حکم دیا گیا تھا۔نئے قوانین کے مطابق آسٹریلیا میں کھیلے جانے والے ڈومیسٹک میچوں میں بلے بازوں کو برطانوی معیار کے ہیلمٹ پہننا ہوں گے۔کھلاڑیوں کو یہ ہیلمٹ تربیت کے دوران بھی پہننا ہوں گے ¾ وکٹوں کے قریب کھڑے ہونے والے وکٹ کیپروں اور بلے باز سے سات میٹر کے فاصلے پر کھڑے فیلڈروں کو بھی لازمی طور پر یہ ہیلمٹ پہننا ہوں گے۔یہ اقدامات ان نئے انکشافات کے باوجود متعارف کرائے جا رہے ہیں کہ موجودہ ڈیزائن کے ہیلمٹ سے بھی ہیوز کی زندگی نہ بچ پاتی۔25 سالہ آسٹریلوی بیٹسمین فلپ ہیوز کو گردن پر باو¿نسر لگنے کے بعد فوراً ہسپتال لے جایا گیا تاہم وہ دو دن بعد چل بسے ¾کرکٹروں کو گردن پر کلپ سے لگائے گئے گارڈ پہننے کی ضرورت نہیں ہو گی کیونکہ تحقیق کے مطابق ان کے تحفظ کے کوئی سائنسی ثبوت موجود نہیں ۔