پونے(نیوزڈیسک) انڈین پریمیئر لیگ میں پونے جائنٹس کے خلاف میچ میں ممبئی انڈینز کے امبتی رائیڈو ہربھجن سنگھ کی جانب سے دی گئی گالیوں پر رو پڑے۔ 35سالہ آف سپنر کی گیند کو منوج تیواری نے کورز کی باؤنڈری کی جانب کھیلاجہاں رائیڈو کی ڈائیو کے باوجود گیند باؤنڈری پار چلی گئی جس پر ہربھجن نے رائیڈو کو کھری کھری سنائیں،رائیڈو نے بھی ہاتھ کے اشاروں سے جواب دیا اور دونوں کھلاڑی غصے میں ایک دوسرے کی جانب لپکے ،اس موقع پر ایسا لگ رہا تھا کہ ان دونوں میں لڑائی ہوجائے گی تاہم ہربھجن نے موقع محل دیکھ کر اپنے جذبات پر قابور کھتے ہوئے رائیڈو کے قریب جاکر انہوں نے معافی مانگی جسے انہوں نے قبول نہ کیا ،اس موقع پر انکی آنکھوں میں آنسو صاف نظر آرہے تھے اور وہ اسی طرح اپنی فیلڈنگ پوزیشن پر واپس لوٹ گئے۔