کراچی(نیوز ڈیسک )یونس خان تنازعہ اور پاکستان کپ میں دوبارہ شرکت کا ڈراپ سین ہوگیا ، ایک ڈائریکٹرکو ٹیلی فون کال موصول ہوئی جس میں بتایاگیاکہ اگر یونس خان کیخلاف کارروائی ہوئی تو وہ ریٹائرمنٹ کا اعلان کردیں گے ، اس صورتحال سے چیئرمین پی سی بی کو آگاہ کیا گیا اور یونس خان سے بات کرائی گئی، پھر مبینہ ’’معافی‘‘ پر معاملہ ختم ہوگیا۔ میڈیا رپورٹس کے مطابق پی سی بی کے ایک ڈائریکٹر کو فون کال موصول ہوئی، اس میں بتایا گیا کہ اگر یونس خان کیخلاف کارروائی ہوئی تو وہ ریٹائرمنٹ کا اعلان کر دیں گے، انگلینڈ سے سیریز بھی آنے والی ہے، ایسے میں ٹیم کو خاصا نقصان ہو سکتا ہے، اسی اثنا میں ٹی وی چینلز پر بھی یہ خبریں چلنے لگیں کہ یونس خان احتجاجاً کھیل سے کنارہ کشی اختیار کرنے والے ہیں، مذکورہ ڈائریکٹر گھبرا کر چیئرمین کے پاس پہنچے اور انھیں بتایا کہ اس صورتحال میں بورڈ پر شدید دباؤ پڑ جائے گا، انھوں نے اپنے فون سے ہی شہریارخان کی یونس خان سے بات کرائی جس میں یونس نے معافی مانگ لی اور معاملہ حیران کن طور پر ختم کر دیا گیا، بعد میں جب بعض بورڈ آفیشلز نے فیصلے پر احتجاج کیا تو انھیں یہ کہہ کر خاموش کرا دیا گیاکہ معافی مانگ لی لہذا بات ختم، خوامخوا تنازع بڑھانے کی کیا ضرورت ہے۔بتایاگیاہے کہ کے پی کے نے یونس کے متبادل کھلاڑی کو میچ بھی کھلا دیا مگر اب وہ واپس آگئے، اسی طرح میچ ریفری کی سماعت کے بغیر تمام ’’گناہ‘‘ کیسے معاف ہو گئے یہ بھی ایک بڑا سوال ہے،پلیئنگ کنڈیشنز کے مطابق پنجاب کو بھی یہ حق حاصل ہوگا کہ وہ یونس خان کی میچ میں شرکت پر احتجاج کر سکے۔ تفصیلات کے مطابق امپائرنگ پر اعتراض کی وجہ سے یونس خان پاکستان کپ ادھورا چھوڑ کر فیصل آباد سے کراچی واپس آگئے تھے، پی سی بی نے پہلے ان کیخلاف کسی کارروائی کو خارج از امکان قرار دیا، پھر میڈیا اور سابق کرکٹرز کی تنقید پر اگلے دن لمبی چوڑی چارج شیٹ اور شوکاز نوٹس جاری کر دیا، ایسے میں اچانک یہ اطلاعات سامنے آئیں کہ یونس خان پریس کانفرنس میں احتجاجاً ریٹائرمنٹ کا اعلان کرنے والے ہیں، اور شام کو بورڈ نے پریس ریلیز جاری کر کے بتایا کہ یونس نے چیئرمین سے معافی مانگ لی لہذا تمام الزامات ختم ہوگئے ۔
یونس خان کیخلاف کارروائی ہوئی تو وہ ریٹائرمنٹ کا اعلان کردیں گے
آج کی سب سے زیادہ پڑھی جانے والی خبریں
آج کی سب سے زیادہ پڑھی جانے والی خبریں
-
مذاکرات کی اندرونی کہانی
-
ڈاکٹر فیصل کی سبکدوشی, عہدہ چھوڑ کر اسلام آباد روانہ، کمیونٹی میں تذبذب اور تشویش
-
اسکولوں میں جمعہ کی چھٹی ، وزیر تعلیم کا اہم بیان آگیا
-
نسوار سے متعلق نیا قانون؟ سزائیں اور جرمانے
-
’نوکری سے نکالنے پر ملزم لیڈی ڈاکٹر کی ویڈیو بنا کر بیلک میل کرتا رہا‘
-
پاکستانی عازمینِ حج کے لیے قربانی کی رقم مقرر؟ کتنے ہزار روپے ادا کرنا ہوں گے؟
-
راولپنڈی،13سالہ بچی کے ساتھ ملزمان کی گھر میں گھس کر زیادتی، ویڈیو بھی بناتے رہے
-
خسرہ کی وبا نے خطرناک صورتحال اختیار کر لی، اب تک 40 بچے جاں بحق
-
نیشنل بینک آف پاکستان مین برانچ میانوالی میں سونا چوری ہونے کا انکشاف
-
ایران نے امریکہ کو پاکستان کے ذریعے نئی تجاویز پیش کردیں
-
پاکستان بھر میں سونے کی قیمتوں میں پھر اضافہ
-
محکمہ موسمیات نے ہیٹ ویو کا الرٹ جاری کردیا
-
آج کچھ گولیاں چلیں گی، ترجمان وائٹ ہاس کا مذاق سچ ثابت ہوگیا
-
سعودی عرب: عازمین حج کے لئے خاص ہدایت



















































