لاہور( نیوز ڈیسک)سابق ٹیسٹ کرکٹر سلیم ملک نے کہا ہے کہ پاکستانی ٹیم سری لنکا میں کرفیو کے دوران بھی کھیل چکی ہے ، پی سی بی کو سری لنکن بورڈ سے ملاقات کر کے یاد کرانا چاہیے اور پاکستان میں کھیلنے کی دعوت دینی چاہیے ۔ لاہور میں میڈیا سے گفتگو کرتے ہوئے سلیم ملک نے کہا کہ پاکستان میں کرکٹ کے فروغ کے لئے باہر کے ممالک سے ٹیموں کا آنا نا گزیر ہے ۔ بورڈ اس کیلئے ورلڈ کپ کیلئے کوالیفائی کرنے والی ٹیموں ، انڈر 19اور اے ٹیموں کو مدعو کرے ۔ انہوں نے کہا کہ پاکستانی ٹیم نے مشکل حالات میں بہت سے ممالک کی مدد کی ہے ، ہم کرفیو میں بھی سری لنکا میں کھیل چکے ہیں ۔ پی سی بی سری لنکن بورڈ سے ملاقات کر کے انہیں یاد کرائے اور انہیں پاکستان میں کھیلنے کی دعوت دی جائے ۔